13.09c
Երեվան
երկ, հկտ 19
Ռուսաստանը Մերձաւոր Արեւելքի մէջ իրավիճակը ապակայունացնելու միտումով՝ քրիստոնէական փոքրամասնութիւնները օգտագործելու քաղաքական նպատակ չի հետապնդեր: Այս մասին 14 սեպտեմբերին յայտարարած է Ռուսաստանի արտաքին գործոց նախարարութեան յատուկ գործերու ներկայացուցիչ Կոնստանթին Շուվալով:
Այս մասին գրած է լիբանանեան «Ալ-Տիար»ը նշելով նաեւ, որ Ռուսիոյ Միջազգային հարցերու Խորհուրդի մօտ, «Մերձաւոր Արեւելքի քրիստոնեաները. Երէկ, այսօր, եւ վաղը» գիրքի ներկայացման ժամանակ, Շուվալով ըսած է. « Մենք երբեք քրիստոնեայ փոքրամասնութիւնները մեր ձեռքին պուպրիկներու վերածելու քաղաքականութիւն չվարեցինք, եւ երբեք նման քաղաքական ձգտումներ չունեցանք եւ չենք ունենար»:
Շուվալով մեծապէս գնահատած է գիրքի հեղինակ Սարապիյէվի կատարած աշխատանքը, նշելով, որ գիրքը պատրաստուած էր Ռուսիոյ արտաքին գործոց նախարար Սէրկէյ Լաւրովի ցանկութեամբ:
Նշենք, որ արեւելագէտ, Մերձաւոր Արեւելքի մէջ քրիստոնէութեան պատմութեան մասնագէտ, Ռուսիոյ միջազգային հարցերու խորհուրդի փորձագէտ, գիտնական Ալեքսի Սարապիյէվի գիրքը կը խօսի Մերձաւոր Արեւելքի մէջ քրիստոնեաներու ճակատագրի մասին՝ 20 - րդ դարէն մինչեւ մեր օրերը:
