13.09c
Երեվան
հնգ, հկտ 15
Գերմանական «Տէր Շփիկըլ» պարբերականին խօսելով, Ժան Գլոտ Ճանքէր յայտարարած է, թէ Եւրոպան Թուրքիոյ հետ իր յարաբերութիւններուն առընթեր չի պատրաստուիր զիջումներու երթալ: Ճանքէր, որ Եւրոպական միութեան յանձնաժողովի նախագահն է նաեւ ըսած է, թէ իրենք պիտի շարունակեն բանացիլ Թուրքիոյ հետ: Ըստ Ճանքէրի բանակցութիւնները կրնան բաւական դժուարին ըլլալ եւ այդ առումով ան ըսած է, թէ «ինչ ալ ըլլան պարագաները մենք պատրաստ չենք Էրտողանի առջեւ ծունկի գալու»:
Նշենք, որ Եւրոպական Միութեան անդամ շարք մը երկիրներու եւ Թուրքիոյ միջեւ յարաբերութիւնները լարուածութիւն սկսան ապրիլ Գերմանիոյ Պունտէսթակի հայանպաստ որոշումէն ասդին: Սակայն այդ մէկը միակ պատճառը չէր եւ Թուրքիոյ հետ առկայ տագնապը կապ ունի տնտեսական հարցերու, սուրիական պատերազմին, ինչպէս նաեւ Եւրոպա հասած սուրիացի գաղթականներու հարցերուն հետ:
