21.71c
Երեվան
շբթ, օգս 01
Կապան քաղաքի ոստիկանութեան շէնքի մօտ առաւօտեան ժամերէն հաւաքուած հարիւրաւոր քաղաքացիներ հեռացան տարածքէն։
Այս մասին տեղեկութիւնը յայտնած է Shantnews.am կայքը։
Աղբիւրը նաեւ նշած է, որ վերջին տուեալներուն համաձայն Քաջարան շրջանի թաղապետ Մանուէլ Փարամազեան մուտք գործած է ոստսիկանութեան շէնք, տեսնուած այսօր առաւօտ բերման ենթարկուածներուն հետ ու ապա դուրս գալով վստահեցուցած է հանրութեան, որ ընթացք առած գործի հանգամանքները պիտի քննուին բարձր մակարդակի վրայ։
Յիշեցնենք, որ Կապանի մէջ լարուածութիւն ստեղծուած էր, երբ համացանցի ճամբով երեւելի կը դառնային այսօր առաւօտ ոստիկանութեան կողմէ բաժին բերուած եւ տանջանքի ենթարկուած քաջարանցի երիտասարդներուն լուսանկարները։
Աւելի ուշ շրջան այցելած էր Սիւնիքի մարզպետ Յունան Պօղոսեան, որ վստահեցուցած էր, թէ բերման ենթարկելու դրոյթը հիմնուած է յստակ տեղեկութեանց վրայ, վստահեցնելով նաեւ, որ պիտի կատարուի արդար եւ բաց քննութիւն եղածին վերաբերեալ։
Աղբիւրը նաեւ նշած է, որ ձերբակալեալները փոխադրուած են Երեւան։
