19.7c
Երեվան
երկ, հնս 29
Ռուսիոյ Արտաքին գործոց նախարարի տեղակալ Օլէկ Սիրոմոլոթով «Սփութնիք» լրատուական գործակալութեան հետ զրոյցի ընթացքին յայտնած է, որ զինեալ ահաբեկիչներ, օգտուելով Իտլիպի մէջ լարուածութեան իջեցման տարածքի ստողծումը, մեծ թիւերով ապաստանած են այնտեղ:
Սիրոմոլոթովի փոխանցմամբ, Իտլիպ ապաստանած ահաբեկչական կազմակերպութիւնները պարբերաբար յարձակումներ կ՛իրականացնեն տեղի բնակչութեան, ինչպէս նաեւ ռուսական ռազմակայաններու ուղղութեամբ:
Սիրոմոլոթով նշած է նաեւ, որ Իտլիպը ահաբեկիչներէ ազատագրելու գործողութեան նախապատրաստական աշխատանքներն ամենայն բծախնդութեամբ ու գաղտի կ՛ընթանան, միաժամանակ յայտնելով, թէ այդ նպատակով համագործակցութիւն կ՛իրականացուի դաշնակից երկիրներու, մասնաւորապէս Թուրքիոյ հետ, որ ըստ Սիրոմոլոթովի, բազմիցս շեշտած է Իտլիպի մէջ ուժ չկիրառելու պահանջը:
