12.03c
Երեվան
կրկ, ապր 19
«Հայ Եկեղեցին Հերոս Եկեղեցի է եւ ան յաջողեցաւ մոխիրներրէն յառնել եւ վերականգնիլ» «Արեւելք»ին ըսաւ Մարոնիներու Պուլոս Սայահ Արքեպիսկոպոս: Սրբազանը նաեւ նշեց, որ «Հայ Եկեղեցւոյ կողմէ կատարուած միւռոնօրհնէքը, մեծ վկայութիւն է քրիստոնէական հաւատքի մէկութեան»: Պուլսոս Սայահ Արքեպիսկոս, որ նաեւ յայտնեց, թէ ինք Միւռոնօրհնէքին կը մասնկացի ,որպէս ներկայացուցիչը Մարոնիներու Րահի Կարտինալին: Սայահ Արքեպիսկոպոս ըսաւ, որ անցնող Ապրիլին եւս եկած էր Հայաստան եւ մասնակցութիւն բերած Հայոց Ցեղասպանութեան 100-րդ տարելիցի միջոցառումներուն: Ան բարձր գնահատեց Մարոնի եւ Հայ եկեղեցիին միջեւ առկայ կապերը եւ կարեւորեց նման պատմական միջոցառման մը կայացումը, որ կը կատարուի 7 տարին անգամ մը: «Մենք կը հաւատանք քրիստոնէական եկեղեցիներու միութեան գաղափարին եւ այսօրուան այս զօրեղ արարողութիւնը եւ համաքրիստոնէական հաւատքը լաւագոյն ապացոյցն են եկեղեցիներուն միջեւ առկայ խորագոյն սիրոյ եւ յարգանքի արտայայտութեան»: Նշենք, որ Սայահ Արքեկպիսկոպոս ընդհանուր փոխանորդն է Մարոնիներու Պշշարա Ալ Րահի Կարտինալին,որ նոյնպէս անցեալ Ապրիլին մասնկացած էր Հայոց Ցեղասպանութեան 100-րդ տարելիցի միջոցառումներուն:
