15.89c
Երեվան
կրկ, հնս 28
Գանատայի Թորոնթօ նահանգի մէջ գործող «Արփի» մանկամսուրի ամավերջի հանդէսը այս տարի նախորդներէն կը տարբերէր այն հանգամանքով, որ առաջին անգամ ըլլալով անոր հիմնադիր Արփի Մերասը ներկայ չեղաւ այդ հանդիսութեան: Այս մասին «Արեւելք»ին կը փոխանցեց Թորոնթոյի մեր աղբիւրը:
Հանդէսին մասնակից երեխաները միջոցառումը նուիրած են իրենց համար սիրելի Տիկին Արփիին յիշատակի, «Այսօրուայ մեր հանդէսը կը նուիրենք մեր սիրելիի Արփիին, Արփի Մերասին: Արփի մենք քեզ շատ կը սիրենք, դուն միշտ մեզ հետ ես» ,-մեկնարկին միաձայն արտասանած են երեխաները:
Ինչպէս կը փոխանցէ մեր աղբիւրը, հոն «Արփի» կը յաճախեն հայ եւ օտար երեխաներ։ Արփի Մերաս կարեւոր համարելով հայապահպանութեան գործը, իր հիմնարկէն ներս հայ երեխաներու առանձին դասարան բացած էր, որոնց ուսուցիչները եւս հայեր էին, այդպիսով, լեզուական, մարմնային կարողութիւններու, ճկունութեան, խնամքի ու գուրգուրանքի կողքին, հայ երեխաները կը սորվին, կ'երգեն ու կ'աղօոթեն հայերէն:
Բացի այդ, մօտակայ դպրոցներու հայ աշակերտներուն համար եւս Արփին հիմնած էր ուսումնարան, ուր հայեցի դաստիարակութիւն կը տրուի՝ երգի, պարի, արուեստի եւ հայերէն լեզուի միջոցաւ։
Գաղտնիք չէ, որ Սուրիոյ պատերազմի պատճառով վերջին տարիներուն մեծ թիւով սուրիահայեր Թորոնթօ հաստատուեցան: Մեր աղբիւը նշեց, որ Արփի Մերասի հաստատութիւնը առաւելութիւն մը եղաւ սուրիահայերու պարագային եւս, որովհետեւ ի տարբերութիւն հայկական կեդրոնի դպրոցին, որու կրթաթոշակը բաւական սուղ է, «Արփի»ն ուղղակի կառավարութեան հետ կապուած հիմնարկ է եւ հետեւաբար՝ երեխաներու կրթութեան ապահովման պետական նպաստէն օգտուող սուրիահայ ընտանիքները, որպէս պետական հիմնարկ իրենց երեխան Արփի ուղարկելով միաժամանակ հայկական միջավայրով ապահոված կ'ըլլային:
2018-ի ամավերջի հանդէսի բացման ի ուրախութիւն գանատահայ ծնողներուն, յայտարարուած է, որ Արփի Մերասի զաւակները Սարօ եւ Սուրէն Մերսները, որոնք կը վարեն հիմնարկի տնօրինութիւնը, հաւաստիացուցած են, որ «Արփի մանկապարտէզը եղեր է, կայ եւ միշտ պիտի ըլլայ», կը մնայ միայն շարունակել այդ գործը,- նշեց «Արեւելք»ի աղբիւրը:
Նշենք, որ «Արփի» մանկամսուր-մանկապարտէզը Թորոնթոյի մէջ հիմնուած է 1974-ին Արփի Մերասի նախաձեռնութեամբ եւ դարձած է Գանատայի հեղինակաւոր կրթօճախներէն մէկը, ուր սորված են տարբեր ազգութիւններէ հազարաւոր երեխաներ, որոնց կողքին նաեւ հայեր:
Գանատահայ բարերար Արփի Մերաս նաեւ 1988 թուականի երկրաշարժի օրերուն, տուժած խումբ մը երեխաներ տեղափոխած էր Գանատա, ուր անոնք բժշկական օգնութիւն եւ ուսում ստացած էին։
