26.57c
Երեվան
կրկ, հլս 05
Պոլսահայ մտաւորական, լեզուաբան Սեւան Նշանեան, 16 մայիսին, Աթէնքի մէջ ՀՀ դեսպանատան կողմէ կազմակերպուած արարողութեան ժամանակ՝ Հայաստանի դեսպան Ֆատէյ Չարչօղլեանէն ստացած է ՀՀ անձնագիր: Այս մասին Նշանեան գրառում կատարած է Ֆէյսպուքի իր էջին:
Նա, մասնաւորապէս, գրած է.
«Մէկ անգամ եւս հպարտութիւն զգացի՝ մաս կազմելով աշխատասէր ու խաղաղասէր ազգի, որ պատմութեան ընթացքին կանգուն մնացած է միայն իր աշխատանքին շնորհիւ:
Շնորհակալութիւն կը յայտնեմ նախ Հայաստանի վարչապետ Նիկոլ Փաշինեանին, ինչպէս նաեւ բոլոր անոնց, որոնք օգնեցին ինծի արժանանալու այս պատուին»:
Յիշեցնենք, որ Նշանեան, որ դատապարտուած էր բանտարկութեան, 14 յուլիս 2017-ին դուրս եկած էր Ֆոչայի բանտէն (Նշանեան ենթակայ էր բաց բանտային ռէժիմի դրութեան) եւ չէր վերադարձած: Նշանեան փախուստի մասին յայտնած էր թուիթըրեան իր էջին վրայ գրառում կատարելով, ուր ըսած էր. «Թռչունը թռաւ...»:
Նշենք, որ Թուրքիոյ մէջ մտաւորական լայն գործունէութիւն ծաւալած եւ տասնեակ հատորներու հեղինակ Նշանեան իր կերտած «Շիրինճէ»ի շինարարութեան «գործ»ով դատապարտուած էր 17 տարուան բանտարկութեան:
