19.7c
Երեվան
երկ, հնս 29
ԱՄՆ Ելեւմուտքի նախարարութիւնը յայտարարած է, որ չորս անձերու եւ հինգ ընկերութիւններու դէմ պատժամիջոցներ սահմանած է, մեղադրելով զանոնք Սուրիա նաւթ տեղափոխելու եւ Սուրիոյ կառավարութեան աջակցելու մէջ: Այս մասին կը յայտնէ «Ալ Ժատիտ» լրատուական կայքը:
Յայտարարութեան համաձայն, պատժամիջոցներու ենթակայ անհատներէն է Մուհամմատ Քաթրճի ու անոր ընկերութիւնը, որ հովանաւորած է Դամասկոսի եւ «Իսլամական Պետութիւն» խմբաւորման միջեւ կայացած նաւթային ոլորտի գործարքները:
Պատժամիջոցներ սահմանուած են նաեւ Սուրիոյ, Լիբանանի, ԱՄԷ-ի մէջ գործող նաւթի ընկերութիւններ, որոնք նաւթ կը մատակարարեն Սուրիոյ:
Պատժամիջոցները կը ներառեն յիշեալ անձերու եւ ընկերութիւններու ամերիկեան դրամատուներու մօտ ունեցած հաշիւներու սառեցում, ինչպէս նաեւ ամերիկացիներու եւ ամերիկեան ընկերութիւններու հետ համագործակցութեան դադրեցում:
