22.1c
Երեվան
չրք, հլս 01
ԱՄՆ Քոնկրէսի Ներկայացուցիչներու պալատի անդամ Ադամ Շիֆ, ֆէյսպուքեան իր էջին վրայ անդրադարձած է Քալիֆորնիոյ հարաւը գտնուող հայկական մասնաւոր դպրոցներու նկատմամբ կատարուած վայրագութեան:
Ինչպէս աւելի շուտ յայտնած էինք հայկական դպրոցներու դարպասներուն, ինչպէս նաեւ կրթական հաստատութեանց տարածքին փակցուած էին Թուրքիոյ դրօշներ:
«Այս դպրոցներ կը յաճախեն Օսմանեան կայսրութեան կողմէ իրականացուած Հայոց Ցեղասպանութենէն մազապուրծ եղածներու ժառանգները: Ատելութեան դրսեւորման դատապարտման հարցով ես կանգնած եմ հայ համայնքի կողքին»,- գրած է քոնկրէսականը:
Քոնկրէսականը աւելցուցած է, որ դէպքի առնչութեամբ հետաքննութիւն կ'ընթանայ:Ան նաեւ յոյս յայտնած է, որ իշխանութիւնները պիտի յաջողին պարզել կասկածեալներուն ինքնութիւնը եւ յետագային պիտի կարենան կանխել նմանատիպ միջադէպերը:
Կը նշուի, որ թրքական դրօշներու հետ կապուած միջադէպին անդրադարձած է նաեւ մէկ այլ ազդեցիկ քոնկրէսական՝ Ներկայացուցիչներու պալատի անդամ Պրետ Շերմընը:
Ան դիմած է Հետաքննութիւններու դաշնային բիւրոյին՝ կոչ ընելով հետաքննութիւն սկսիլ ատելութեան դրսեւորման դէպքի առնչութեամբ: Քոնկրէսականը դաշնային իշխանութիւններուն կոչ ըրած է օրէնքի ամբողջ խստութեամբ պատժել մեղաւորները:
