12.09c
Երեվան
ուրբ, նմբ 08
Ամերիկայի նախագահ Ճօ Պայտըն պնդած է, որ միայն Միացեալ Նահանգները կրնայ ըլլալ համաշխարհային առաջնորդ։
«Եւ այս կատակ չէ, ես բառացիօրէն կ'ըսեմ. ո՞վ կրնայ ղեկավարել աշխարհը, բացի Ամերիկայի Միացեալ Նահանգներէն: Ամերիկան կը յաղթէ եւ այդ կ'ըլլայ յօգուտ աշխարհին»,-յայտարարած է ան Շիքակոյի մէջ Դեմոկրատականներու ազգային համագումարին, ուր պաշտօնապէս պէտք է դառնար նախագահի թեկնածուն առաջիկայ նոյեմբերին կայանալիք ընտրութիւններուն։ Սակայն համակուսակիցներու ճնշման տակ Պայտըն ստիպուած եղաւ յուլիսին դուրս ելլելու ընտրապայքարէն՝ դրօշը փոխանցելով փոխնախագահ Քամալա Հարիսին։
Պայտըն յիշեցուցած է նաեւ, որ Հանրապետական կուսակցութենէն բարձրագոյն կառավարական պաշտօնի թեկնածու Տանըլտ Թրամբ «Ամերիկան կ'անուանէ ձախողած երկիր»։
«Մտածեցէք այն ուղերձի մասին, որ ան կ'ուղարկէ աշխարհին, երբ կը խօսի Ամերիկայի մասին՝ որպէս ձախողող երկրի մասին»,-նման ուղերձով դիմած է Պայտըն իր համաքաղաքացիներուն:
