image
Հրատապ լուրեր:

Յառաջիկային Զելենսքին Հայաստան պիտի այցելէ. Factor.am

Յառաջիկային Զելենսքին Հայաստան պիտի այցելէ. Factor.am

Factor TV-ի տեղեկութիւններով՝ Ուքրանիոյ նախագահ Վոլոտիմիր Զելենսքին առաջիկային պիտի այցելէ Հայաստան։

Կայքը գրած է՝ «Մեր հաւաստի աղբիւրի փոխանցմամբ՝ Ուքրանիայի նախագահի այցը Հայաստան այս պահին պատրաստւում է, սակայն այցի ժամկէտը վերջնականապէս հաստատուած չէ։

Ուքրանական կողմի հետ ժամկէտի մասին բանակցութիւն կ՚ընթանայ։ Սպասւում է, որ Վոլոտիմիր Զելենսքին Երեւանում կը լինի մարտ ամսին»։

Հայաստանի մէջ Ուքրանիոյ գործերու ժամանակաւոր հաւատարմատար Լոպաչ Վալերին այսօր չէ հերքած Factor TV-ի այս տեղեկութիւնը։ Անոր նախ հարց տրուած է՝ ռուս-ուքրանական պատերազմի հաւանական ազդեցութեան մասին Հարաւային Կովկասի մէջ, որուն դիւանագէտը պատասխանած է․ «Իրականութեան մէջ այս պահուն շատ բան կայ ըսելու, բայց դեռ չեմ կրնար ոչինչ ըսել։

Մի քանի օր ետք դուք կը լսէք նորութիւններ, կ՚իմանաք, թէ ինչ պիտի կատարուի։ Ես իմ կողմէ կ՚ըսեմ, որ Ուքրանիան պատրաստ է աջակցելու Հայաստանին։ Փակագիծերը չբանաելով․․․ կը տեսնէք մի քանի օր անց։ Ամէն պարագայի, մեր երկիրը պիտի ընէ ամէն ինչ՝ տարածաշրջանի կարգաւորման, կայունացման համար»։

Լրագրողի հարցին՝ արդեօ՞ք ան կ՚ակնարկէ Ուքրանիոյ նախագահի հաւանական այցին, Լոպաչ Վալերին պատասխանած է․ «Ես կրնամ միայն այն ըսել, որ գարունը շատ դրական իրադարձութիւններ պիտի բերէ Հայաստանին»։