32.09c
Երեվան
երք, օգս 18
Ուքրանիոյ հետ պատերազմին մենք Ռուսիոյ դաշնակիցը չենք: Այս մասին CNN primanews հեռուստաընկերութեան տուած հարցազրոյցին (ներկայացուած է պաշտօնական թարգմանութեամբ) ըսած է ՀՀ վարչապետ Նիկոլ Փաշինեանը՝ անդրադառնալով Ռուսիոյ հետ դաշնակցային յարաբերութիւններուն ու Ուքրանիոյ մէջ յատուկ ռազմական գործողութեան։
«Եւ մեր զգացումն այդ պատերազմից, այդ հակամարտութիւնից՝ անհանգստութիւն է, որովհետեւ դա ուղիղ ազդում է մեր բոլոր յարաբերութիւնների վրայ»,- աւելցուցած է Փաշինեան:
Ըստ անոր՝ Արեւմուտքի մէջ կը նկատեն, որ «մենք Ռուսիոյ դաշնակիցն ենք, աւելի շատ այդ են նկատում, Ռուսաստանում տեսնում են, որ մենք Ուքրանիայի պատերազմին իրենց դաշնակիցը չենք, եւ ստացւում է, որ մենք այս իրավիճակում ոչ մէկի դաշնակիցը չենք, ինչը նշանակում է, որ խոցելի ենք»:
«Որովհետեւ, ընդ որում, թուում է, թէ կայ տարբերակ խուսանաւել այս բոլոր բախումների միջեւ, բայց նաեւ ճշմարտութիւնն այն է, որ ինչքան բարդանում է իրադրութիւնը, այնքան նեղանում է խուսանաւելու հնարաւորութիւնը: Մենք ոչ թէ խուսանաւում ենք նրա համար, որ մենք կարծիքներ չունենք իրավիճակի վերաբերեալ, այլ մենք խուսանաւում ենք քիչ առաջ իմ ասածի պատճառով, որ մեր հոգսերը, ցաւօք, աւելին են, քան թոյլ կը տան մեզ աւելի շատ ներգրաւուած լինել այլ հոգսերի լուծման գործում»,-ըսած է կառավարութեան ղեկավարը:
