30.09c
Երեվան
երք, օգս 18
Մոսկուան եւ մերձմոսկովեան շրջանը գիշերը անօդաչուներու զանգուածային յարձակման ենթարկուած են։ Մոսկուայի քաղաքապետ Սերկէյ Սոպեանինի պնդմամբ՝ այդ ուղղութեամբ աւելի քան 600 անօդաչու թռչող սարք արձակուած է։
Սոպեանինի հաղորդմամբ՝ անոնցմէ 180-ը խոցուած է անմիջապէս Մոսկուայի շրջանին մէջ։ Ան չէ յայտնած, թէ արդեօք յարձակման հետեւանքով զոհեր, վիրաւորներ կամ աւերածութիւններ կան՝ նշելով, որ անօդաչուներու բեկորներ ինկած վայրերուն մէջ արտակարգ ծառայութիւնները կ՚աշխատին։
Ժամանակաւորապէս դադրեցուած է նաեւ Մոսկուայի բոլոր օդակայաններուն աշխատանքը։
Սոպեանին այս դէպքը անուանած է վերջին երկու տարուան ընթացքին Մոսկուայի վրայ յարձակելու ամենախոշոր փորձը։
