22.09c
Երեվան
շբթ, հլս 27
Երեւանի մէջ՝ Կոնդի Սուրբ Յովհաննէս եկեղեցւոյ մէջ, վերջին հրաժեշտը տրուած է «Արարատ-73»-ի հանրահռչակ ֆութպոլիսթ Նիկոլայ Ղազարեանին:
Նիկոլայ Ղազարեանի հոգեհանգիստին ներկայ էին ագագ սերունդի, հայկական մարմնամարզութեան ներկայիս ու անցեալի յայտնի խումբի շարք մը ֆութպոլիսթներ:
«Արէենփրէս»-ի հետ զրոյցին ՀՀ ԿԳՄՍ նախարարի տեղակալ Կարէն Գիլոյեանը Նիկոլայ Ղազարեանը բնութագրած է որպէս իր սերունդի ֆութպոլիսթներու լաւագոյն ներկայացուցիչներէն մէկը:
«Ժամանակն անողոք է: Նիկոլայ Ղազարեանը լուսահոգի դարձաւ, բայց ինքը շատ վառ անհատականութիւն էր: Իսկ ֆուտբոլում յիշւում է որպէս հրթիռային արագութեամբ ֆուտբոլիստ, մեծ յաղթանակներ կերտած ֆուտբոլիստ»,-ըսած է Գիլոյեանը: Վերջինս իր խորին ցաւակցութիւնը յայտնած է Ղազարեանի ընտանիքին, ընկերներուն:
«Արարատ-73»-ի ֆութպոլիսթ Սերգէյ Պօղոսեանը յիշած է Նիկոլայ Ղազարեանը որպէս կենսուրախ եւ ինքնատիպ ֆութպոլիսթ, որ իր բացառիկ ներդրումը ունեցած է «Արարատ»-ի պատմական յաղթանակներուն մէջ:
««Արարատ-73»-ի այն լեգենդար թիմից արդէն մեզ հետ չեն 7 ֆուտբոլիստներ: Նիկոլայի կորուստը միայն ընտանիքի, ընկերներիս կորուստ չէ, այլ հայ ֆուտբոլասէրինը, ով տեսել է, թէ ինչպիսի ֆուտբոլիստ էր Կոլիան»,-ըսած է ան:
Նիկոլայ Ղազարեանը միջազգային կարգի մարզանքի վարպետ էր, ՀՀ ֆիզիքական մշակոյթի եւ մարմնամարզութեան վաստակաւոր գործիչ, 2013 թուականի հոկտեմբեր 10-ին հայկական ֆութպոլի զարգացման գործին մէջ ներդրած նշանակալի աւանդի եւ ձեռք բերած փայլուն նուաճումներու համար պարգեւատրուած է «Հայրենիքին մատուցած ծառայութիւններու համար» 1-ին աստիճանի մետալով: 1973 թուականին Երեւանի «Արարատի» կազմին մէջ դարձած է ԽՍՀՄ ախոյեան եւ բաժակակիր, 1971 եւ 1976 թուականներուն ակումբի հետ դարձած է արծաթեայ մետալակիր։ «Արարատ»ի կազմին մէջ ունեցած է 295 խաղ՝ դառնալով 67 կոլի հեղինակ։ Հանդէս եկած է ԽՍՀՄ պատանեկան, երիտասարդական եւ ողիմպիական հաւաքականներուն մէջ։ 1992 թուականէն Հայաստանի հանրապետութեան նորաստեղծ Ֆութպոլի ֆետերացիայի հիմնադիր անդամ էր, ֆետերացիայի առաջին նախագահը մինչեւ 1994 թուականը։
Ղազարեանի յուղարկաւորութեան արարողութիւնը տեղի պիտի ունենայ դեկտեմբեր 22-ին` ժամը 13:00-ին:
