20.09c
Երեվան
ուրբ, հկտ 10
Յունուար 9-ին ՀՀ պաշտպանութեան նախարարի առաջին տեղակալ, Զինուած ուժերու Գլխաւոր շտաբի պետ, զօրավար-լեյտենանտ Էդուարդ Ասրեանն այցելած է 2-րդ բանակային գումարտակ, հանդիպած հրամանատարական կազմի հետ:
Այս մասին յայտնած են ՀՀ Պաշտպանութեան նախարարութենէն։
«Այցի շրջածիրէն ներս զօրավար-լեյտենանտ Ասրեանը մասնակցած է զօրամիաւորման 2023 թուականի ուսումնական տարուան արդիւնքներու ամփոփման:
Էդուարդ Ասրեանը, անդրադառնալով զօրամիաւորման ենթակայ ստորաբաժանումներուն մէջ տեղի ունեցած դէպք-պատահարներուն, կարգադրած է ընել ամէն հնարաւորը՝ պատշաճ քննութիւն կայացնելու, պատճառները պարզելու, հետագային նմանօրինակ դէպքերը բացառելու համար:
Զինուած ուժերու Գլխաւոր շտաբի պետը կարգադրած է մարտական հերթապահութեան ընթացքին խստագոյնս հետեւիլ կանոնադրային յարաբերութիւններուն, պահպանել անվտանգութեան կանոնները, հետեւողականօրէն իրականացնել կարգապահութեան բարձրացմանն ուղղուած բոլոր միջոցառումները»:
Յիշեցնենք՝ յունուար 9-ին, մէկ օրուան մէջ երկու զինծառայողի սպանութեան դէպք արձանագրուած էր։ Առաջինը ժամը 06:20-ի սահմաններուն, Գեղարքունիքի մարզի մարտական դիրքերէն մէկուն մէջ յայտնաբերուած էր զինծառայող Կարէն Արայիկի Կարապետեանի դին՝ հրազէնային վնասուածքով։ Միւսը ժամը 11:30-ի սահմաններուն, երբ յայտնաբերուած էր աւագ լեյտենանտ Միքայէլ Սամուէլի Դանիէլեանի դին՝ հրազէնային վնասուածքով: Նշենք, որ լրատուամիջոցներու տեղեկութիւններով՝ այս դէպքը եւս տեղի ունեցած է Գեղարքունիքի մարզի մէջ՝ Վարդենիսի զօրամասերէն մէկու մէջ։
