14.09c
Երեվան
շբթ, ապր 19
Թուրքիոյ զինուած ուժերը միշտ պատրաստ են գործողութիւն իրականացնելու Իրաքի եւ Սուրիոյ մէջ՝ ահաբեկչական խմբաւորումներու դէմ`յայտարարած է Թուրքիոյ պաշտպանութեան նախարար Եաշար Կիւլերը:
Անոր խօսքով՝ նախապէս Թուրքիան ունեցած է երեք հակաահաբեկչական ջոկատ, իսկ հիմա՝ 20, եւ այժմ երկարատեւ եւ լայնածաւալ գործողութիւններ կ՚իրականացնէ։
Կիւլեր նաեւ նշած է Սուրիայէն թրքական Զինուած ուժերու դուրսբերման պայմանները։
«Մեր նպատակն է Սուրիոյ մէջ հասնիլ քաղաքական լուծման՝ ՄԱԿ-ի Անվտանգութեան խորհուրդի 2254 բանաձեւի հիման վրայ։ Մենք պատրաստ ենք հնարաւոր աջակցութիւն ցուցաբերելու Սուրիոյ բոլոր բնակիչներուն վերաբերող Սահմանադրութեան ընդունման, ազատ ընտրութիւններու կայացման, համակողմանի կարգաւորման եւ անվտանգութեան ապահովման»,- նշած է Կիւլերը:
Թուրքիոյ ՊՆ ղեկավարի խօսքով՝ միայն այն բանէ ետք, երբ այդ բոլոր կէտերը կ՚իրականացուին, եւ Թուրքիոյ սահմաններու անվտանգութիւնն ամբողջութեամբ կ՚ապահովուի, Անգարան կը կարողանայ դիտարկել զօրքերու դուրսբերման հնարաւորութիւնը։
