0.09c
Երեվան
կրկ, դկտ 22
Թուրքիան այլեւս չի տեղաւորիր իր սահմաններուն մէջ, անոր ազդեցութեան գօտին ու շահերը դուրս կու գան սեփական սահմաններէն. այս մասին, TRT-ի հաղորդմամբ, յայտարարած է Թուրքիոյ ազգային պաշտպանութեան նախարար Եաշար Կիւլերը:
«Թուրքիան երկիր մըն է, որ այլեւս չի տեղաւորուիր իր սահմաններուն մէջ: Մեր ծայրերէն մէկը Սոմալիի մէջ է, միւսը՝ Ատրպէյճանի»,- ըսած է ան։
Ան վստահեցուցած է, որ Թուրքիան մտադիր է հնարաւորություններ ստեղծել եղբայրական ժողովուրդներու համար։
«Մենք պէտք է բոլոր պայմանները ստեղծենք մեր եղբայրներու հետ շփման համար»,- ըսած է ան։
Թուրքիան կը լքէ Ղարաբաղի մէջ մշտադիտարկման կեդրոնը
Թուրքիան կը հեռանայ բռնագրաւուած Արցախի մէջ՝ Ակնայի մէջ, ռուս-թրքական համատեղ մշտադիտարկման կեդրոնէն. այս մասին, TRT-ի հաղորդմամբ, յայտնած է Թուրքիոյ ազգային պաշտպանութեան նախարար Եաշար Կիւլերը՝ մեկնաբանելով կեդրոնի փակումը:
«Թուրքիան կը լքէ Ղարաբաղի մէջ մշտադիտարկման կեդրոնը՝ այն փակելու վերաբերեալ Ռուսիոյ Դաշնութեան որոշումէն ետք»,-ըսած է ան։
Ապրիլ 26-ին հաղորդուած էր, որ Ակնայի շրջանի մէջ տեղի ունեցած է ռուս-թրքական համատեղ մշտադիտարկման կեդրոնի փակման հանդիսաւոր արարողութիւնը։
Կեդրոնի բացումը տեղի ունեցած էր 2021 թուականի յունուար 30-ին։
