4.09c
Երեվան
շբթ, փտր 21
«Իմ տեղեկութիւնների համաձայն, Սիւնիքի ներխուժումը, որ ասում էին 250 ատրպէյճանցիներ են ներխուժել եւ հանդարտ քայլելով գալիս են, այնտեղ 3-ից 4 տասնեակ ճիհատիստներ կան, որոնց պատերազմից առաջ եւ ընթացքում Թուրքիան ուղարկել էր Ատրպէյճան՝ մասնակցելու պատերազմին։ Հիմա այդ ճիհատիստների մեծ մասը ընդգրկուած է Ատրպէյճանի սահմանապահ զօրքերում եւ Ատրպէյճանի քաղաքացիութիւն ունեն։ Երկրորդ, իմ տեղեկութիւններով՝ 2 օր առաջ Սեւ լճի մօտ Ատրպէյճանն արդէն տեղադրել է ծանր մեքենաներ եւ հրետանի։ Եւ հետաքրքիրն այն է, որ բանակցութիւնները չեն եղել, բայց նոյնիսկ մայիսի 16-ի բանակցութիւններին հայկական կողմը չի մասնակցել, Մուրատովն է տարել այդ բանակցութիւնները, որոնք զրոյական արդիւնք են տուել։ Սա ուղղակի նշանակում է, որ Ռուսաստանի ազդեցութիւնը նուազել է Հայաստանի իշխանութիւնների վրայ, եւ որ Հայաստանի իշխանութիւնները լրիւ ուրիշ խաղ են խաղում։ Աւելին, հիմա ստեղծուել է մի իրավիճակ, երբ Մոսկուայի ազդեցութիւնը էապէս նուազել է նաեւ Ատրպէյճանի վրայ։ Մենք երէկ գտնուում էինք մի այնպիսի իրավիճակում, որ բախումների հաւանականութիւնը շատ մեծ էր Հայաստանի տարածքում Հայաստանի եւ Ատրպէյճանի զինուած ուժերի միջեւ, բայց վստահ եմ, որ Ռուսաստանի նախագահի երէկ ունեցած երկու հեռախօսազրոյցները Իլհամ Ալիեւի եւ Նիկոլ Փաշինեանի հետ, այդ բախման հաւանականութիւնը էապէս քչացրել են, բայց կարծում եմ՝ դա երկարատեւ չէ, որովհետեւ Ատրպէյճանը այն ինչ իրականացնում է, այսինքն ներխուժում, առանց կրակոցի ագրեսիա Հայաստանի նկատմամբ, նոյնը կատարուում է նաեւ Արցախում՝ Քելբաջարի, մասնաւորապէս՝ Հաթերքի եւ այլ ուղղութիւններով դիրքերը առաջ տալով։ Իր այդ քաղաքականութեամբ Ատրպէյճանը կարծես թէ փորձում է շօշափել՝ որտեղ են Մոսկուայի կարմիր գծերը եւ դրանց դեռ չեն հասել։ Այստեղ ողջ մեղքը Հայաստանի իշխանութիւններինն է եւ այն ծրագրաւորուած քաղաքականութեանը, որ նրանք տանում են։ Ցաւօք սրտի կարծում եմ՝ բախումների հաւանականութեան նուազումը ժամանակաւոր երեւոյթ է, եւ Ատրպէյճանը դա կը շարունակի անել»,- NEWS.am-ի հետ զրոյցի ժամանակ ըսած է Դաւիթ Շահնազարեանը:
