15.09c
Երեվան
հնգ, մյս 21
Իրանն ու Միացեալ Նահանգները կը շարունակեն հաղորդագրութիւններու փոխանակումը՝ Թեհրանի առաջարկին հիման վրայ հակամարտութեան կարգաւորման հարցով։ Այս մասին յայտնած է Իրանի արտաքին գործոց նախարարութեան պաշտօնական ներկայացուցիչ Էսմայիլ Պաղային։
Անոր խօսքով՝ միտքերու փոխանակումը տեղի պիտի ունենայ Իրանի 14 կէտէ բաղկացած առաջարկի բնագրին հիման վրայ։
Յիշեցնենք, որ մայիս 18-ին «Tasnim» գործակալութիւնը հաղորդած էր, որ Փաքիստանը Միացեալ Նահանգներուն փոխանցած է հակամարտութեան կարգաւորման վերաբերեալ Իրանի նոր առաջարկը, որ բաղկացած է 14 կէտէ։
Ըստ գործակալութեան տուեալներուն՝ բնագիրին մէջ շեշտը կը դրուի ռազմական գործողութիւններու դադրեցման եւ վստահութեան ամրապնդման միջոցառումներուն վրայ։
