26.2c
Երեվան
հնգ, հնս 04
Հայաստանն ու Միացեալ Նահանգները ստորագրեցին TRIPP նախագիծի վերաբերեալ շրջանակային համաձայնագիրը, որ մայիս 26-ին նախաստորագրուած էր Միացեալ Նահանգներու արտաքին գործոց նախարար Մարքօ Ռուպիոյի՝ Հայաստան կատարած այցի շրջածիրէն ներս։
Այս մասին յայտնած է Հայաստանի արտաքին գործոց նախարարութիւնը։
Արտաքին գործոց նախարարութիւնը տեսանիւթ հրապարակած է, որուն մէջ Հայաստանի արտաքին գործոց նախարար Արարատ Միրզոյեանը իր ստորագրութիւնը կը դնէ փաստաթուղթի տակ։
«Սիրելի քաղաքացիներ, վայրկեաններ առաջ ձեր աչքի առաջ ես ստորագրեցի TRIPP-ի վերաբերեալ Միացեալ Նահանգներ-Հայաստանի Հանրապետութիւն շրջանակային համաձայնագիրը։ Յիշում էք՝ օրեր առաջ այն նախաստորագրուել էր իմ եւ ԱՄՆ պետքարտուղար Մարկո Ռուբիոյի կողմից նրա՝ Հայաստան կատարած այցի ընթացքում։ Եւ ահա պետքարտուղար Ռուբիոն իր ստորագրութիւններն է դրել համաձայնագրի տակ, եւ փաստաթուղթն առաքուել է Հայաստան, եւ այժմ արդէն ես էլ հայկական կողմի ստորագրութիւնները դրեցի։ Սրանով հեռավար ստորագրման գործընթացն աւարտուած է, եւ համաձայնագիրը պատրաստ է վաւերացման»,-ըսած է Արարատ Միրզոյեանը։
