2.09c
Երեվան
հնգ, դկտ 25
Այցին նպատակն է յաղթահարել այն քննադատութիւնը, որ ուքրանական իշխանութիւնները կ'արտայայտեն Ռուսիոյ հետ պատերազմին այս երկիրներու դիրքորոշումներուն վերաբերեալ:
Ֆրանսայի նախագահ Էմանուէլ Մաքրոն, Գերմանիոյ եւ Իտալիոյ վարչապետներ Օլաֆ Շոլց եւ Մարիօ Տրակի ժամանած են Քիեւ:
Եւրոպացի առաջնորդները ժամանած են Ուքրանիա` քննարկելու երկրին Եւրոմիութեան անդամի թեկնածուի կարգավիճակ տրամադրելու հարցը:
Ինչպէս նաեւ, այցին նպատակն է «յաղթահարել այն քննադատութիւնը», որ ուքրանական իշխանութիւնները կ'արտայայտեն Ռուսիոյ հետ պատերազմին այս երկիրներու դիրքորոշումներուն վերաբերեալ:
Միաժամանակ հնարաւոր է բարձրացնել սպառազինութիւններու մատակարարումներու աւելացման հարցը: Կ'ենթադրուի, որ Զէլէնսքին «պիտի դրդէ իր հիւրերը» աւելի շատ զէնք ուղարկելու:
Ուքրանիոյ Ներքին գործոց նախարարութեան ղեկավարի խորհրդական Վիքթոր Անտրուսիւն իր հերթին նշած է քաղաքական գործիչներու այցի մէկ այլ նպատակ. «Իմ տեղեկութիւններովս` Մաքրոն, Շոլց եւ Տրակի մեզի կը բերեն ԵՄ թեկնածութիւն եւ... խնդրանք վերադառնալու Փութինի հետ բանակցային գործընթացին», ըսած է Անտրուսիւը:
