-6.91c
Երեվան
ուրբ, հնվ 03
Եւրոպական խորհուրդի նախագահը, կարծես, չի լսեր, թէ ինչ կ'ուզէ ըսել Եւրոխորհրդարանը Լեռնային Ղարաբաղի վերաբերեալ: Այդ մասին X-ի (նախկին Twitter) պաշտօնական էջին գրած է Եւրոխորհրդարանի արտաքին յարաբերութիւններու յանձնաժողովի անվտանգութեան եւ պաշտպանութեան ենթակոմիտէի ղեկավար Նաթալի Լուազօն:
«Ռուսիան լուծում չէ, Թուրքիոյ հետ խորհրդակցութիւնները այնքան ալ լաւ գաղափար չեն: Եւրոպական դիւանագիտութիւնը պէտք է դադրեցնէ իմպրովիզացիան եւ աւելի զօրանայ»,- նշած է Լուազօն:
Այսպիսով եւրոպացի պատգամաւորը մեկնաբանած է Եւրոպական խորհուրդի նախագահ Շառլ Միշէլի անդրադարձը ռուսական մարդասիրական բեռը Աղտամի ճանապարհով Լեռնային Ղարաբաղ տեղափոխելուն, ինչպէս նաեւ Թուրքիոյ նախագահ Ռեճէպ Թայէպ էրտողանի հետ G20-ի շրջածիրէն ներս անոր ունեցած քննարկման:
