-6.91c
Երեվան
երք, դկտ 23
Ռուսական բանակը Զափորոժիէի մէջ «Քալիպր» հրթիռներով ոչնչացուցած է ուքրանական զինուած ուժերուն ԱՄՆ-ի եւ եւրոպական երկիրներու կողմէ մատակարարուած զէնքի եւ զինամթերքի մեծ խմբաքանակով անգարները: Այս մասին յայտարարած է Ռուսաստանի Պաշտպանութեան նախարարութեան պաշտօնական ներկայացուցիչ, զօրավար Իկոր Քոնաշենովը:
«Զափորոժիէի ալիւմինումի գործարանի տարածքին մէջ բարձր ճշգրտութեան ծովային հեռահարութեան «Քալիպր» հրթիռները ոչնչացուցած են անգարներ օտարերկրեայ զէնքի եւ զինամթերքի մեծ խմբաքանակով, որոնք մատակարարուած են ԱՄՆ-ի եւ եւրոպական երկիրներու կողմէ ուքրանական զօրքերու համար», ըսած է Քոնաշենքովը:
Ան յայտնած է, որ Ռուսաստանի օդատիեզերական ուժերու մարտավարական եւ բանակային օդային ուժերը գիշերը հարուածած են Ուքրանիոյ 59 ռազմական կէտ:
Ընդհանուր առմամբ, Ուքրանիոյ մէջ յատուկ ռազմական գործողութեան սկիզբէն Ռուսաստանի Զինուած ուժերը ոչնչացուցած է 607 անօդաչու թռչող սարք, 2596 հրասայլ եւ զրահամեքենայ, ինչպէս նաեւ 296 բազմակի հրթիռային կայան:
