-3.91c
Երեվան
երկ, դկտ 23
ՌԴ Արտաքին գործոց նախարարութեան պաշտօնական ներկայացուցիչ Մարիա Զախարովան մեկնաբանած է Լեռնային Ղարաբաղի հարցով Ռուսիոյ, ԱՄՆ-ի եւ ԵՄ-ի ներկայացուցիչներու գաղտնի հանդիպումը, որու մասին աւելի վաղ գրած էր Politico-ն:
«Այդ սովորական տեսակէտներու փոխանակում էր», - ճեպազրոյցին ըսած է Զախարովան:
Հրապարակման համաձայն՝ հանդիպումը տեղի ունեցած է Թուրքիոյ մէջ՝ ատրպէյճանական ռազմական յարձակումէն երկու օր առաջ։
Զախարովայի խօսքով՝ հանդիպման հետ կապուած ոչ մէկ գաղտնի բան կար, գրած է ՌԻԱ «Նովոստի»-ն։
Մինչդեռ ՌԴ նախագահի մամուլի քարտուղար Տմիթրի Փեսքովն ըսած է, որ հրապարակման մէջ կան բազմաթիւ անճշտութիւններ եւ սխալներ՝ կապուած Ղարաբաղի հարցով ԱՄՆ-ի, ԵՄ-ի եւ Ռուսաստանի հանդիպման հետ։ Այս մասին գրած է ԹԱՍՍ-ը:
«Կապեր եղած են, բայց ոչ այնպէս, ինչպէս գրուած է», -ըսած է ան։
Սեպտեմբեր 19-ին Ատրպէյճանի կողմէ Արցախի սահմանի ողջ երկայնքով ռազմական յարձակումը սկսելէն քանի մը օր առաջ ԱՄՆ-ի, ԵՄ-ի եւ ՌԴ-ի բարձրաստիճան պաշտօնեաները գաղտնի կարգով արտահերթ բանակցութիւններ վարած են Թուրքիոյ մէջ: Այս մասին գրած է Politico-ն:
