18.09c
Երեվան
կրկ, մյս 03
Չեչենիոյ ղեկավար Ռամզան Քատիրով յայտարարած է, որ «Քորան»ի հրկիզման գործողութիւնները, որոնք կը շարունակուին եւրոպական եւ արեւմտեան երկիրներու մէջ, «իրավիճակը կը հասցնեն անվերադարձի կէտին», ան խոստացած է յատուկ ռազմական գործողութենէ յետոյ «զբաղիլ» այն երկիրներով, ուր կ'այրեն «Քորան»ը։
«Այսօր ողջ իսլամական աշխարհը կանգնած է աննախադէպ մարտահրաւէրի առջեւ։ Եւրոպայի եւ Արեւմուտքի երկիրներուն մէջ Սուրբ Քորանը այրելու շարունակական գործողութիւնները կանխատեսելիօրէն իրավիճակը կը հասցնեն անվերադարձի կէտին»,- գրած է ան իր թելեկրամեան ալիքով։
«Ես կոչ կ'ընեմ իսլամական պետութիւններու ղեկավարներուն արթննալու եւ ընելու հնարաւորը մեր կրօնը ցանկացած յանցաւոր ոտնձգութենէ պաշտպանելու համար։ Հակառակ պարագային շատ ուշ կ'ըլլայ»,- գրած է Քատիրով։
Անոր կարծիքով՝ բողոքի հաւաքներու մասնակիցներու ու կազմակերպիչներու անպատժելիութիւնը «իսլամներուն ցոյց կու տայ այսպէս կոչուած ժողովրդավարական պետութիւններու իրական վերաբերմունքն իրենց իրաւունքներուն նկատմամբ»։
