-0.91c
Երեվան
ուրբ, դկտ 13
Ռուսիոյ Դաշնութեան եւ Իրանի նախագահներ Վլատիմիր Փութինի եւ Իպրահիմ Ռայիսիի բանակցութիւնները յագեցած եղած են, յայտարարած է Ռուսիոյ Դաշնութեան նախագահի մամուլի քարտուղար Տմիթրի Փեսքով:
«Հիմնական հարցերը շարադրուած եղած են ողջոյնի յայտարարութիւններուն մէջ, որոնք նեղ կազմով հանդիպման սկիզբը ըրած են նախագահները։ Այդ, ի հարկէ, պաղեստինա-իսրայէլեան հակամարտութեան շուրջ կարծիքներու փոխանակումն է, երկկողմ յարաբերութիւնները․․․ Եւ միջազգային այլ գործերու վերաբերեալ «ժամացոյցներու ստուգումը»,-ըսած է Փեսքով։
Ռուսիոյ Դաշնութեան նախագահի մամուլի քարտուղարը նշած է, որ ընդլայնուած կազմով բանակցութիւններն ընթացած են աւելի քան երկու ժամ:
«Երկու ժամէ աւելի առարկայական զրոյց ընթացած է, եւ նախարարները զեկուցած են իրենց ուղղութիւններով, ընդ որում՝ առարկայական խօսած են, թէ ուր ինչ խնդիրներ կան, լուծման ինչ ուղիներ, ինչ պէտք է ընել համագործակցութեան հետագայ զարգացումը արագցնելու համար»,-ըսած է Փեսքով:
Յիշեցնենք, որ Իրանի նախագահ Իպրահիմ Ռայիսին դեկտեմբեր 7-ին այցով ժամանած է Մոսկուա, ուր հանդիպում ունեցած է իր ռուս գործընկեր Վլատիմիր Փութինի հետ:
