-4.91c
Երեվան
երք, դկտ 23
Ռուսաստանի կողմէ Ուքրանիոյ դիմադրութեան թերագնահատումը եւ «լաւագոյն սցենարով» ծրագրաւորումը յանգեցուցին ակնյայտ գործառնական սխալներու: Այդ խամգարեց Փութինը 9 Մայիսի Յաղթանակի օրուայ շքերթին յայտարարել Ուքրանիոյ մէջ զգալի ռազմական յաջողութիւններու մասին: Այս մասին յայտնած է Բրիտանիոյ Պաշտպանութեան նախարարութիւնը իր թուիթըրեան էջով:
«Շատ հաւանական է, որ Ռուսաստանի ներխուժման ծրագիրը հիմնուած եղած է այն սխալ ենթադրութեան վրայ, որ պիտի հանդիպի սահմանափակ դիմադրութեան եւ պիտի կարենայ արագօրէն շրջապատել եւ շրջանցել բնակեցուած տարածքները», կ'ըսուի յայտարարութեան մէջ:
Այս ենթադրութիւնը դրդած է ռուսական ուժերը փորձելու իրականացնել գործողութեան սկզբնական փուլը հեշտ եւ ճշգրիտ մօտեցմամբ` նախատեսուած նուազագոյն գնով արագ յաղթանակի հասնելու համար:
«Այս սխալ հաշուարկը յանգեցուց ահռելի կորուստներու եւ հետագային Ռուսաստանի ուշադրութեան թուլացման», նշած են Բրիտանիոյ Պաշտպանութեան նախարարութենէն:
