16.97c
Երեվան
չրք, հնս 24
Հայաստանի վարչապետ Նիկոլ Փաշինեան Ռուսիոյ նախագահ Վլատիմիր Փութինի հետ միասին պիտի մասնակցի Արեւելեան տնտեսական համաժողովի լիագումար նստաշրջանին, տեղեկացուցած են Քրեմլի մամուլի ծառայութենէն։
«Ռուսասիոյ նախագահի հետ միասին նստաշրջանին պիտի մասնակցին Միանմայի Հանրապետութեան Զինուած ուժերու գլխաւոր հրամանատար, Պետական վարչական խորհուրդի նախագահ, ժամանակաւոր կառավարութեան վարչապետ Մին Աուն Հլայնը, Հայաստանի վարչապետ Նիկոլ Վովայի Փաշինեանը, Մոնղոլիայի վարչապետ Լուվսաննամսրայն Օյուուն-Էրտենէն եւ Ժողովրդական ներկայացուցիչներու համաչինական ժողովի մշտական կոմիտէի նախագահ Լի Չժանշուն»,- նշուած է հաղորդագրութեան մէջ։
Նստաշրջանի մասնակիցներուն տեսաողջոյնով պիտի դիմեն Հնդկաստանի եւ Մալեզիայի վարչապետեր Նարենթրա Մոթին եւ Իսմայիլ Սապրի Եաքոպը։ Լիագումար նստաշրջանը ՌԴ նախագահի մասնակցութեամբ պիտի կայանայ 7 սեպտեմբերին, Արեւելեան տնտեսական համաժողովի շրջածիրէն ներս, տեղեկացուցած է Life-ը։
