-3.91c
Երեվան
ուրբ, հնվ 24
Պէտք է պատրաստուինք դիմադրութեան՝ հերթական հայրենահանձնումը կանխելու համար:
Այս մասին գրած է Ազգային Ժողովի «Հայաստան» խմբակցութեան պատգամաւոր Գառնիկ Դանիէլեանը:
«Մինչ հասարակութիւնն արդիարացիօրէն քննարկում է Ալիեւի հերթական սպառնալիքներն ու վերջնագրերը, իսկ իշխանութիւնը շարունակում է իր շոուները, առկայ է Ալիեւ-Փաշինեան նոր պայմանաւորուածութիւն, Փաշինեանի «բանաւոր ըմբռնումներից» հերթականը, որի համաձայն, տխրահռչակ GPS-ի հիմքի վրայ կրկին Տաւուշում, այս անգամ՝ Կիրանց-Ոսկեպար ճանապարհահատուածի մի քանի մասերում, Ադրբեջանը մխրճուելու է մեր տարածք։
Այս ամէնի հետեւանքով թշնամին մի քանի հատուածներում վերահսկողութեան տակ է վերցնելու Երեւան-Թբիլիսի միջպետական ճանապարհը՝ ռազմավարական եւ անվտանգութեան իմաստով վերստեղծելով լրջագոյն մարտահրաւէրներ։
Զբաղեցնելով կարեւորագոյն դիրքեր՝ Ադրբեջանը Հայաստանի Հանրապետութիւնը դարձնելու է է՛լ աւելի խոցելի։
Իմ նշած տեղեկութեան իսկութիւնը փաստում է հենց Ալիեւի յայտարարութիւնն առ այն, որ իր առաջարկով (իմա՝ պարտադրանքով) յունուարին տեղի է ունենալու սահմանազատման յանձնաժողովների նիստ։
Ակնյայտ է, որ Ալիեւի նպատակն է հերթական շանտաժների, սպառնալիքների ու վերջնագրերի միջոցով կորզել հերթական զիջումներ, նուաճել ռազմավարական նշանակութեան նոր տարածքներ, կարեւորագոյն դիրքեր, մի քանի հատուածներում վերահսկել միջպետական ճանապարհը եւ այլն։ Սա կարող է մատուցուել փաշինեանական «եթէ չտանք՝ պատերազմ կը լինի» կամ «սահմանների ճշգրտում» տխրահռչակ պատճառաբանութիւնների սուոսով:
Կարեւոր է, որ հանրութիւնը լինի զգօն, եւ հնարաւոր զարգացումների դէպքում պէտք է պատրաստուենք դիմադրութեան՝ հերթական հայրենայանձնումը կանխելու համար։
Նշուած գործընթացի վերաբերեալ կը տեղեկացնեմ լրացուցիչ»,- գրած է ան։
