-1.91c
Երեվան
երկ, դկտ 23
Արաբագետ Սարգիս Գրիգորյանը ֆեյսբուքյան իր էջում անդրադարձել է ԻՊ կողմից տարածված տեսանյութին:
«Իսլամական պետության կողմից տարածված առաջին և ԻՊ-ի պաշտոնական տեղեկատվական հոսքում Ադրբեջանում Իսլամական պետության ներկայության մասին խոսող առաջին տեսանյութն է:
Ինչ ունենք՝
1. Տեսանյութում 3 դիմակավորված անձ են ներկայացված, որոնց հետևում Իսլամական պետության դրոշն է:
2. Նստածն առաջնորդն է՝ Աբու Յուսուֆ ալ-Ազերին, որը սկսում է իր խոսքը՝ ցիտելով Ղուրան և հադիսներ:
3. Խոսում է Մուհամմադ մարգարեի մասին՝ հիշելով նրա կյանքի առանձին դրվագներ:
4. Այստեղ մի հետաքրքիր հատված կա, որտեղ ալ-Ազերին խոսում է դեպի Իսլամական պետություն հիջրայի և խալիֆայության համար պայքարի շուրջ համախմբվելու մասին (տպավորությունն այնպիսին է, կարծես տեսագրությունն արված լինի 2014 թ. կեսերին, երբ ԻՊ-ը ընդլայնում էր տարածքները Սիրիայում և Իրաքում):
5. Խոսում է ԻՊ-ի համար նահատակության մասին, մեջբերվում են ԻՊ-ի վերջին բաստիոնից՝ Բաղուզից, տեսարաններ:
6. Ալ-Ազերին մեղադրում է Ադրբեջանի անհավատ իշխանություններին իսլամի թշնամի երկրների հետ համագործակցության մեջ և կոչ է անում ադրբեջանցի եղբայրներին ու համախոհներին պայքարել այդ անհավատ իշխանությունների դեմ:
7. Վերջում զինյալները հավատարմության երդում են տալիս ԻՊ-ի խալիֆ Աբու Բաքր ալ-Բաղդադիին (այստեղ հետաքրքիրն այն է, որ սովորաբար հավատարմության երդումը տրվում է արաբերենով, սակայն այստեղ զինյալները երդվում են ադրբեջաներեն)»,- գրել է նա:
