25.33c
Երեվան
կրկ, հլս 05
Միացեալ Նահանգներու կեդրոնական եւ արեւելեան նահանգներուն մէջ տիրող սաստիկ տաքը զգալի խափանումներու պատճառ դարձած է Յուլիս 4-ի տօնակատարութիւններուն՝ իշխանութիւնները ստիպելով չեղարկել կամ յետաձգել տասնեակներով շքերթներ, համերգներ եւ հրավառութեան հանդիսութիւններ։
Յուլիս 3-ին, Ուաշինկթընի Ազգային ծառուղիին (National Mall) վրայ կազմակերպուած ամերիկեան մեծ պետական տօնավաճառը ժամանակաւորապէս փակուած է, երբ օդի ջերմաստիճանը հասած է +38 աստիճանի։
Նաեւ չեղարկուած է Յուլիս 4-ին նախատեսուած շքերթը, քանի որ Ազգային օդերեւութաբանական ծառայութիւնը կանխատեսած էր, որ օդի ջերմաստիճանը կրնայ հասնիլ մինչեւ +46 աստիճանի։
Միեւնոյն ժամանակ, ծայրայեղ տապին հետեւանքով օդորակիչներու լայնածաւալ գործածութիւնը մեծ ճնշում գործադրած է երկրի ելեկտրական-ուժանիւթի համակարգին վրայ՝ զգալիօրէն ծանրաբեռնելով զայն։
