2.09c
Երեվան
հնգ, փտր 12
«Իմ քայլ»-ը Երեւանի քաղաքապետի պաշտոնին կ'առաջադրէ փոխքաղաքապետ Հրաչեայ Սարգսեանի թեկնածութիւնը: Այս մասին ըսուած է խմբակցութեան յայտարարութեան մէջ, որ կը ներկայացնենք ստորեւ:
«Հաշուի առնելով, որ՝
1. «Իմ քայլը» դաշինքը 2018 թուականի Սեպտեմբերին կայացած ընտրութիւնների արդիւնքում ձեւաւորել է քաղաքային իշխանութիւն՝ դրանից բխող միասնական քաղաքական եւ գործառնական պատասխանատուութեամբ;
2. Հայկ Մարութեանը քաղաքապետ է ընտրուել 2018 թուականի Սեպտեմբերին կայացած ընտրութիւններին «Իմ քայլը» դաշինքի օգտին քուէարկած քաղաքացիների մէկ յեղափոխական մանտաթի արդիւնքում;
3. Հայկ Մարութեանը, որը վերոնշեալ ընտրութիւններին մասնակցել էր որպէս ՔՊ կուսակցութեան թեկնածու եւ «Իմ քայլը» դաշինքի ընտրական ցուցակի առաջին համար, 2020 թուականի Դեկտեմբերին, իր դիմումի համաձայն, լքել է ՔՊ կուսակցութիւնը եւ «Իմ քայլը» դաշինքը եւ դրանից յետոյ ծաւալուած ու Հայաստանի ժողովրդավարութեան համար որոշիչ քաղաքական իրադարձութիւնների ժամանակ իր գործողութիւններով վերահաստատել է իր՝ ՔՊ կուսակցութեան եւ «Իմ քայլը» դաշինքի հետ որեւէ քաղաքական պատասխանատուութիւն չկիսելու որոշումը;
4. Հայկ Մարութեանը բաւարար արդիւնաւէտութեամբ չի իրականացրել եւ չի իրականացնում «Իմ քայլը» դաշինքի՝ Երեւանի քաղաքացիների առաջ ստանձնած եւ նախընտրական ծրագրով ամրագրուած պարտաւորութիւնները;
5. Հայկ Մարութեանը բաւարար չափով չի իրականացրել եւ չի իրականացնում Երեւանի քաղաքապետարանից համակարգային կոռուպցիայի վերացման կարեւորագոյն առաքելութիւնը;
6. Դաշինքը երեւանցիների առաջ ստանձնած իր պարտաւորութիւնները եւ մանտաթը չի կարող իրագործել մի իրավիճակում, երբ քաղաքապետը խզել է կապը աւագանու քաղաքական մեծամասնութեան՝ «Իմ քայլը» դաշինքի հետ:
«Իմ քայլը» խմբակցութիւնը նախաձեռնել է քաղաքապետ Հայկ Մարութեանին անվստահութիւն յայտնելու գործընթաց: Երեւանի քաղաքապետի պաշտօնում Դաշինքն առաջադրում է գործող առաջին փոխքաղաքապետ Հրաչեայ Սարգսեանի թեկնածութիւնը:
Հայկ Մարութեանին շնորհակալութիւն ենք յայտնում համատեղ աշխատանքի համար եւ յաջողութիւն ենք մաղթում նրան իր նոր քաղաքական հանգրուանում»։
