30.55c
Երեվան
երք, օգս 11
Ազգային ժողովի «Հայաստան» խմբակցութեան պատգամաւոր Լեւոն Քոչարեանը պիտի ընդգրկուի Ազգային Ժողովի արտաքին յարաբերութիւններու մշտական յանձնաժողովին մէջ, փոխարինելով պատգամաւոր Ասպրամ Կրպէյեանին։
Տեղեկութիւնը «Sputnik Արմենիա»ի հետ զրոյցին հաստատած է «Հայաստան» խմբակցութեան պատգամաւոր Ագնեսա Խամոյեանը։
«Նորընտիր պատգամաւոր Լեւոն Քոչարեանը, ինչպէս եւ իւրաքանչիւր պատգամաւոր, պէտք է պարտադիր ընդգրկուած լինի որեւէ յանձնաժողովում։ Այո, Լեւոն Քոչարեանն ընդգրկուել է Ազգային Ժողովի արտաքին յարաբերութիւնների մշտական յանձնաժողովում»,–ըսած է Խամոյեանը։
Նշենք, որ Լեւոն Քոչարեանը վերցուցած է Արմէն Չարչեանի վար դրած մանթատը, որ առողջապահութեան յանձնաժողովի անդամ էր:
Յիշեցնենք, որ Ազգային Ժողովի արտաքին յարաբերութիւններու մշտական յանձնաժողովին մէջ ընդգրկուած են նաեւ «Հայաստան» խմբակցութենէն պատգամաւորներ Արմէն Ռուստամեանը եւ Քրիսթինէ Վարդանեանը։
