-4.91c
Երեվան
ուրբ, փտր 21
Ռուսիոյ արտաքին գործոց նախարար Սերկէյ Լաւրովն ու Ռուսիոյ նախագահի օգնական Եուրի Ուշաքովը նախագահ Վլատիմիր Փութինի յանձնարարութեամբ մեկնած են Սէուտական Արաբիոյ մայրաքաղաք՝ Ռիատ՝ բանակցութիւններ վարելու Միացեալ Նահանգներու ներկայացուցիչներու հետ: Այս մասին յայտնած է Ռուսիոյ նախագահի մամուլի քարտուղար Տմիթրի Փեսքովը:
Անոր խօսքով՝ Ռուսիոյ եւ Միացեալ Նահանգներու ներկայացուցիչներու հանդիպումը Ռիատի մէջ հիմնական նուիրուած պիտի ըլլայ երկու երկիրներու միջեւ յարաբերութիւններու վերականգնման:
Փեսքով աւելցուցած է, որ Սէուտական Արաբիան ընտրուած է որպէս բանակցութիւններու վայր, քանի որ այն յարմար է ե՛ւ ռուսական, ե՛ւ ամերիկեան կողմերուն:
