21.09c
Երեվան
երք, հլս 22
Լաթաքիոյ Ազգ. Սրբոց Նահատակաց Վարժարանի հոգաբարձութեան ատենապետ երկրչփ. Մեղրիկ Ապահունի-Մանճեան օրերս այցելած է Բերիոյ Հայոց Թեմի Բարեջան Առաջնորդ Գերշ. Տ. Մակար Սրբ. Արք. Աշգարեանին եւ հրաւիրած է Սրբազան Հայրը ներկայ գտնուելու վարժարանի միջնակարգի աւարտական հանդէսին, Լաթաքիոյ մէջ։
Այս մասին «Արեւելք» իմացաւ Թեմի դիմատետրեան էջէն։
Ստորեւ տրուած լրատւութիւնը։
Երեքշաբթի, 15 Յուլիս 2025-ի առաւօտուն, Լաթաքիոյ Ազգ. Սրբոց Նահատակաց Վարժարանի հոգաբարձութեան ատենապետ երկրչփ. Մեղրիկ Ապահունի-Մանճեան այցելեց Բերիոյ Հայոց Թեմի Բարեջան Առաջնորդ Գերշ. Տ. Մակար Սրբ. Արք. Աշգարեանին, Ազգային Առաջնորդարանէն ներս:
Հոգաբարձութեան ատենապետը հրաւիրեց Սրբազան Հայրը ներկայ գտնուելու վարժարանի միջնակարգի աւարտական հանդէսին, որ տեղի պիտի ունենայ 25 Յուլիս 2025-ին, Լաթաքիոյ մէջ։
Սրբազան Հայրը, իր հայրական օրհնութիւնները փոխանցելով, գնահատեց վարժարանի հոգաբարձութեան եւ տնօրէնութեան տարած ազգանուէր աշխատանքը եւ մաղթեց, որ լաւագոյն արդիւնքներ ապահովելով ուսանողները բարձրանան ուսման բարձր հանգրուաններ։
