25.09c
Երեվան
չրք, հլս 03
2017 թուականի «Կինէս»-ի աշխարհի մրցանիշերու գիրքին մէջ «աշխարհի ամէնէն գէր մարդ» համարուած՝ մեքսիքացի Խուան Փետրօ Ֆրանքօն, ամիս մը առաջ յայտարարած էր, թէ վարակուած է «Քորոնա» ժահրով: Ան այսօր կրցած է յաղթահարել հիւանդութիւնը:
36-ամեայ Ֆրանքօն, որ ներկայիս կը կշռէ աւելի քան 200 քկ., «Ֆրանսբրէս»ին հետ զրոյցի ընթացքին ըսած է.-«Վիճակս բաւական բարդ էր, որովհետեւ հիւանդութիւնը արագ կը տարածուէր, իսկ իմ ծանր կշիռքիս պատճառաւ, կը դիմագրաւէի աւելի մեծ վտանգներ: Կը տառապէի գլխացաւէ, մարմնի կոտրտուքէ, բարձր ջերմութենէ եւ շնչառական դժուարութենէ»:
Ֆրանքոյի ուղեկցող հիւանդութիւնները, ինչպէս շաքարախտը, արեան ճնշումը եւ թոքային հիւանդութիւնը, բոլորը դժուարացուցած էին անոր պայքարը «Քովիտ»-ին դէմ, բայց եւ այնպէս ան յաղթահարած է հիւանդութիւնը:
Լուրը՝ «Ալ Ժումհուրիյա»-էն
