14.79c
Երեվան
շբթ, ապր 18
Մայիսի 3-ից 5-ը Հայաստանի օդային տարածքում կսահմանվի թռիչքների ժամանակավոր արգելք, հայտնում են Քաղավիացիայի կոմիտեից։
Նշվում է, որ անվտանգության նկատառումներից ելնելով՝ նշված օրերին արգելվելու է ընդհանուր նշանակության ավիացիայի բոլոր թռիչքները, այդ թվում՝ քաղաքացիական անօդաչու թռչող սարքերի (դրոնների) կիրառումը։
Սահմանափակումը պայմանավորված է Հայաստանում նախատեսվող լայնամասշտաբ միջոցառումներով՝ ԵՔՀ 8-րդ գագաթնաժողովով, ՀՀ–ԵՄ գագաթնաժողովով և «Երևանյան երկխոսություն» նախաձեռնությամբ։ Միջոցառումներին ակնկալվում է բազմաթիվ օտարերկրյա պատվիրակությունների մասնակցություն։
Քաղավիացիայի կոմիտեն կոչ է անում պահպանել սահմանված պահանջները և զերծ մնալ նշված ժամանակահատվածում թռիչքներ իրականացնելուց։
