-1.91c
Երեվան
շբթ, նմբ 09
Հալէպի մէջ. Համայնքապետերու հերթական հանդիպումը
Օրեր առաջ Հալէպի երեք հայ յարանուանութիւններու պետերը հերթական հանդիպում մը կայացուցած են եւ քննարկած համայնքը յուզող հիմնահարցերը։
Այս մասին «Արեւելք» տեղեկութիւն ստացաւ Բերիոյ Թեմի դիմատետրեան պաշտօնական էջէն, ուր մասնաւորապէս գրուած է՝
Հինգշաբթի, 11 Յունուար 2024-ի առաւօտուն, հայ երեք համայնքապետեր՝ Բերիոյ Հայոց Թեմի Բարեջան Առաջնորդ Գերշ. Տ. Մակար Սրբ. Եպս. Աշգարեան, Բերիոյ Թեմի Կաթողիկէ Հայոց Առաջնորդ Արհի. Տ. Պետրոս Արք. Միրիաթեան եւ Սուրիոյ Հայ Աւետարանական Համայնքի Համայնքապետ Վերապատուելի Դոկտ. Յարութիւն Սելիմեան հանդիպում ունեցան Ազգ. Առաջնորդարանէն ներս:
Եղբայրական ջերմ մթնոլորտի մէջ ընթացող հանդիպումին համայնքապետերը նոր տարուան եւ Ս. Ծննդեան տօներուն առիթով շնորհաւորական բարեմաղթութիւններ փոխանակեցին իրարու եւ աղօթք բարձրացնելով առ Աստուած՝ խաղաղութիւն, սէր, միութիւն եւ համերաշխութիւն մաղթեցին ողջ աշխարհին։ Անոնք հակիրճ կերպով անդրադարձան օրակարգային կարգ մը նիւթերու
