0.09c
Երեվան
ուրբ, դկտ 26
Հալէպի մէջ իր մահկանացուն կնքած է Սուրիոյ ՀՄԸՄ-ի մեծ ընտանիքի նուիրեալ անդամներէն՝ Սամուէլ Ազարիկեան։
Տխուր լուրին մասին «Արեւելք» վերահասու դարձաւ ՀՄԸՄ-ի Սուրիոյ պաշտօնական էջէն։
Ստորեւ տրուած մահագրութիւնը՝
Հ.Մ.Ը.Մ.-ի Սուրիոյ Շրջ. Վարչութիւնը սրտի խոր կսկիծով կը գուժէ Հ.Մ.Ը.Մ.-ի Հալէպի մասնաճիւղի վաստակաշատ երէց եղբայր, փողերախումբի թմբկահար, հեծելանիւի Սուրիոյ ախոյեան, «Ծառայութեան» շքանշանակիր՝
ԵՂԲ. ՍԱՄՈՒԷԼ ԱԶԱՐԻԿԵԱՆԻ
մահը, որ պատահեցաւ Հինգշաբթի, 25 Դեկտեմբեր 2025-ին, Հալէպի մէջ։
Սամուէլ Ազարիկեան, փոքր տարիքէն անդամակցած է Հ.Մ.Ը.Մ.-ի շարքերուն։ Եղած է գայլիկ, ապա սկաուտ եւ մարզիկ։ Մաս կազմած է փողերախումբին, որպէս թմբկահար։ 1956-ին մաս կազմած է Հ.Մ.Ը.Մ.-ի հեծելանիւի խումբին։ Մասնակցած է Հալէպի եւ Սուրիոյ Հեծելանիւի ախոյեանութեան մրցումներուն եւ 1957-ին հանդիսացած է Սուրիոյ Ախոյեան։
Երկար տարիներ եղած է Հալէպի մասնաճիւղի հեծելանիւի խումբի մարզիչ։
Իր երկարամեայ ծառայութեան համար եղբ. Սամուէլ Ազարիկեան Հ.Մ.Ը.Մ.-ի Սուրիոյ Շրջ. Վարչութեան կողմէ պարգեւատրուած է «Ծառայութեան» շքանշանով։
Հանգուցեալ եղբօր թաղման արարողութիւնը պիտի կատարուի Հինգշաբթի, 25 Դեկտեմբեր 2025-ին, կէսօրուան ժամը 2:30-ին, Ս. Աստուածածին եկեղեցւոյ մէջ։
Մեր ցաւակցութիւնները կը յայտնենք ողջ Հ.Մ.Ը.Մ.-ականներուն, հանգուցեալ եղբօր կնոջ, զաւակներուն, թոռներուն եւ հարազատներուն։
Խունկ եւ աղօթք կը բարձրացնենք հանգուցեալի հոգիին խաղաղութեան համար։
Յիշատակն արդարոյն օրհնութեամբ եղիցի։
