18.09c
Երեվան
կրկ, մյս 03
Եւրոպական Միութեան արտաքին գործերու եւ անվտանգութեան քաղաքականութեան հարցերով բարձր ներկայացուցիչ Ժոզեփ Պորել յայտարարած է, որ ԵՄ-ն պիտի փոխհատուցէ երրորդ երկիրներուն հասցուած վնասը, եթէ նման խնդիր առաջանայ հակառուսական պատժամիջոցներու հետեւանքով, գրած է ՌԻԱ Նովոստին։
«Պատժամիջոցներու հետեւանքները պէտք է մանրակրկիտ չափուին: Անոնք պէտք չէ ազդեն լոճիսթիք (բանակավարութեան) գործօններու վրայ: Երէկ մենք շատ արդիւնաւէտ քննարկում ունեցանք ուրոյն խնդիրներու շուրջ, որոնք պիտի ուզէինք շատ ուշադիր լուծել, բայց անոնք ուղղուած չեն երրորդ երկիրներու տնտեսութեան: Եթէ կան ուղեկցող որոշ հետեւանքային վնասներ, մենք անոնք պիտի փոխհատուցենք»,-ըսած է Պորել Աստանայի մէջ կայացած ճեպազրոյցի ժամանակ՝ պատասխանելով այն հարցին, թէ արդեօք ԵՄ-ն կրնայ երաշխաւորել, որ պատժամիջոցները չեն ազդեր Ղազախստանի տնտեսութեան վրայ։
Ուքրանիոյ շուրջ ստեղծուած իրավիճակով պայմանաւորուած՝ ԵՄ-ն մեծցուցած է պատժամիջոցային ճնշումը Ռուսիոյ վրայ։ Ռուսիա բազմիցս ուշադրութիւն հրաւիրած է այն փաստի վրայ, որ հակառուսական պատժամիջոցները բացասաբար կ'անդրադառնան համաշխարհային տնտեսութեան վրայ։ Միեւնոյն ժամանակ Մոսկուան յայտարարած է, որ Ռուսիան պիտի դիմակայէ պատժամիջոցներու ճնշումը։
