14.09c
Երեվան
ուրբ, ապր 04
Գերմանիոյ նախագահի աշխատակազմի ղեկավար Տիւորթէ Տինկեր ներողութիւն խնդրած է Ատրպէյճանէն՝ նախագահ Ֆրանք Վալթեր Շթայնմայերի պաշտօնական ընկերային ցանցերու էջերուն մէջ բռնագրաւուած Արցախի Հանրապետութեան դրօշի լուսանկարի հրապարակման եւ արցախցիներու թեմային անդրադարձի համար:
Այս մասին գրած են ատրպէյճանական լրատուամիջոցները:
«Լեռնային Ղարաբաղը միջազգային իրաւունքով կը պատկանի Ատրպէյճանին, բայց այնտեղ հիմնական հայեր ապրած են»,- երէկուան հրապարակման մէջ գրած էր նախագահը՝ կցելով Արցախի պետական դրօշը:
Այժմ պաշտօնական Պեռլինը ներողութիւն խնդրած է Պաքուէն նախագահի պաշտօնական էջին մէջ «սխալ դրօշի» (բռնագրաւուած Արցախի Հանրապետութեան-Խմբ.) պատկերը հրապարակելու համար:
«Դաշնային նախագահի ընկերային ցանցերու էջերուն կարճ ժամանակով հրապարակուած է դրօշի սխալ պատկերը եւ ատոր կից գրառումը՝ կապուած Ատրպէյճանի շրջաններէն մէկու հետ։ Սխալը յայտնաբերելուն պէս համապատասխան հրապարակումն անմիջապէս ջնջուած է: Հրապարակումը եղած է տեխնիկական սխալի հետեւանքով եւ որեւէ նշանակութիւն չունի Ատրպէյճանի տարածքային ամբողջականութեան վերաբերեալ Գերմանիոյ յայտնի դիրքորոշման հետ: Ես շատ վրդոված եմ այդ սխալէն եւ կ՚ուզեմ անկեղծ ներողութիւն խնդրել այն սխալ տպաւորութեան համար, որ վերը նշուած հրապարակումը գործած է Ատրպէյճանի մէջ որոշ մարդոց վրայ: Դաշնային նախագահի յառաջիկայ այցը նպատակ ունի ամրապնդել ատրպէյճանա-գերմանական գործընկերութիւնը եւ աջակցիլ տարածաշրջանին մէջ ընթացող խաղաղութեան գործընթացին», -ըսուած է Տինկերի՝ Ատրպէյճանի նախագահի օգնական Հիքմեթ Հաճիեւին ուղղուած նամակին մէջ։
