26.09c
Երեվան
երկ, հնս 09
Գարեգին Բ.-ն խախտած է իր իսկ կողմէ կամաւորութեամբ ստանձնած կուսակրօնութեան ուխտը եւ զաւակ ունի։ Այս մասին գրած է վարչապետ Նիկոլ Փաշինեանը:
«Սա փաստ է եւ եթէ Գարեգին Բ–ն փորձի հերքել, անհրաժեշտ ձեւաչափով դա կ՚ապացուցեմ։
Ըստ այսմ, համաձայն Հայ Առաքելական Եկեղեցու Կանոնագրքի, Գարեգին Բ-ն չէր կարող լինել եպիսկոպոս, արքեպիսկոպոս, չէր կարող ընտրուել եւ չի կարող լինել Կաթողիկոս․ Կտրիճ Ներսիսեանը պէտք է ազատի Վեհարանը։
Որպէս Հայ Առաքելական Եկեղեցու հաւատաւոր հետեւորդ, որպէս մարդ, ով խանդաղատանքով է վերաբերւում մեր հոգեւոր ժառանգութեան ամէն արժէքի, ամէն մասունքի, ամէն պատկերի ու քարի, արձանագրում եմ․ Հայաստանեայց Առաքելական Սուրբ Եկեղեցին պէտք է ունենայ նորընտիր Կաթողիկոս, ում բարեվարքութիւնը կաթողիկոսական ընտրութիւններից առաջ ստուգուած եւ հաստատուած կը լինի։
Հայաստանեայց Առաքելական Սուրբ Եկեղեցու հաւատաւոր հետեւորդներին կոչ եմ անում համախմբուել Վեհարանը սիրով եւ քրիստոնեաբար ազատելու եւ որեւէ իրապէս սրբազան հոգեւորականի Ամենայն Հայոց Կաթողիկոս ընտրելու օրակարգի շուրջ»,- գրած է ան:
