image
Հրատապ լուրեր:

F-16-ի Վերաբերեալ բանակցութիւնները աւարտած ենք. Եաշար Կիւլէր

F-16-ի Վերաբերեալ բանակցութիւնները աւարտած ենք.  Եաշար Կիւլէր

Անգարան աւարտած է F-16 կործանիչներու շուրջ Ուաշինկթընի բանակցութիւնները, յայտարարած է Թուրքիոյ ազգային պաշտպանութեան նախարար Եաշար Կիւլէր եւ աւելցուցած, որ այժմ այդ հարցով Թուրքիան Միացեալ Նահանգներէն «դրական եւ յստակ քայլեր» կ'ակնկալէ։

«Միացեալ Նահանգներու հետ թեքնիկական հանդիպումներն աւարտած են։ Մենք կ'ակնկալենք, որ գործընթացը դրական եւ յստակ քայլերով հնարաւորինս շուտ մեկնարկէ», - յայտարարած է նախարար Կիւլէր, հաղորդած է Anadolu պետական գործակալութիւնը։

F-16 կործանիչներու վաճառքի հարցը Թուրքիոյ եւ Միացեալ Նահանգներու նախագահներու անցեալ օրերուն տեղի ունեցած հեռախօսազրոյցի գլխաւոր թեմաներէն էր․ Ռեճէպ Էրտողան յայտարարած է, թէ Սպիտակ տան ղեկավարը դրական արձագանգած է վաճառքի հարցին։

2019 թուականին, երբ Թուրքիան Ռուսիայէն գնած էր S-400 (C-400) հակաօդային պաշտպանութեան համակարգերը, Միացեալ Նահանգները որոշած էր դուրս ձգել Թուրքիան ամերիկեան կործանիչներու արտադրութեան ծրագիրէն եւ մինչեւ այսօր չէ տրամադրած գնուած շուրջ 100 օդանաւերը: