-6.91c
Երեվան
ուրբ, դկտ 19
Եւրոմիութիւնը կը փափաքի ուժանիւթային մատակարարման հարցով նուազեցնել կախուածութիւնը Ռուսաստանէն եւ բնական կազ ստանալու շուրջ այս օրերուն կը բանակցի Միացեալ Նահանգներու եւ այլ երկիրներու հետ: Այդ մասին ըսած է Եւրոպական յանձնաժողովի նախագահ Ուրսուլա ֆօն տեր Լայենը:
«Մենք ուժանիւթային անվտանգութեան հարցով համագործակցութիւն կը հաստատենք Միացեալ Նահանգներու հետ, որ Եւրոպա հեղուկ գազի գլխաւոր մատակարարն է: Կը քննարկենք նաեւ այլ ուղիներ. Նորվեկիան բաւական աւելցւոցած է մատակարարումները Եւրոպա», ըսած է Եւրոպական յանձնաժողովի ղեկավարը:
Ուքրանիոյ շուրջ ճգնաժամը եւ հնարաւոր ռազմական առճակատումը կրնան վտանգի տակ առնել Ռուսաստանէն Եւրոպա կազի փոխադրումը: Եւրոպայի կազի պաշարները տարուայ այս ժամանակի դրութեամբ սովորականէն 10-ը տոկոսով քիչ են:
