24.09c
Երեվան
չրք, հնս 18
Թուրքիոյ («Տէյլի Սապահ»-Պոլիս) վարչապետ Ահմատ Տաւութօղլուի նախկին գլխաւոր խորհրդական Էթյէն Մահչուպեանի կարծիքով PKK-ի հիմնադիր համարուող Ապտիւլլահ Օճալան, որ ցկեանս բանտարկութեան պատիժ ստացած է պիտի շարունակէ լուռ մնալ: Մահչուպեան, որ այս թեմայով յօդուած մը ստորագրած է իշխանական «Տէյլի Սապահ»ին մէջ նկատել տուած է, թէ այս ծանր հանգրուանին Օճալան չի պատրաստուիր իր տեսակէտը յայտնել: Հայազգի լրագրողը նաեւ կարծիք յայտնած է, որ գետնի վրայ ծանր կացութեան առջեւ է: Անոր կարծիքով Օճալան առանց որոշ «գին»ի մը չուզէր իր կարծիքը տալ կամ հանդարտութեան կոչով հանդէս գալ, ինչպէս որ կատարած էր նախորդ հանգրուանին: Գրողը նաեւ ըսած է, որ PKK–ի ղեկավարութիւնը կոչուած է այս ճակատագրական պահուն խնդիրը քաղաքական բեմահարթակ տանիլ, այլապէս կրնայ ծանր պատասխանատութիւն կրելով սխալներ գործել եւ պատմութիւնէն դուրս «նետուիլ»: Ըստ Մահչուպեանի իշխանութեան դիրքերը շատ ուժեղ են եւ այն մտադիր է PKK-դէմ այս ծանր պայքարը մինչեւ վերջ տանիլ:
