1.09c
Երեվան
չրք, փտր 11
15 Փետրուարին Հոլանտայի «Յանուն Ազատութեան կուսակցութեան» (PVV) առաջնորդ, Ներկայացուցիչներու պալատի անդամ Խիրթ Ուիլտըրսը Twitter-ի իր էջին հրապարակած է Թուրքիոյ նախագահ Ռեճէպ Թայէպ Էրտողանի լուսանկարը` վերջինիս անուանելով ահաբեկիչ: Վիլտըրսը յայտնի է Թուրքիոյ եւ թրքական իշխանութիւններու հասցէին սուր քննադատութիւններով:
Ան Էրտողանը կը մեղադրէ իսլամական ծայրայեղական շարժումներն ու ահաբեկչական կազմակերպութիւնները ֆինանսաւորելու եւ հակաարեւմտեան քաղաքականութիւն վարելու մէջ:
Նշենք, որ յիշեալ լուսանկարին մէջ Էրտողան պատկերուած է իր բնական եւ «Իսլամական պետութիւն» ահաբեկչական խմբաւորման գրոհայինի դէմքով: Ձախ մասին պատկերուած է Թուրքիոյ պետական դրօշը, իսկ աջ մասին՝ ԻՊ-ի դրօշը:
Թուրքիոյ գլխաւոր դատախազութիւնը յայտնած է հոլանտացի քաղաքական գործիչի դէմ հետաքննութիւն սկսելու մասին:
Դատախազութեան տարածած հաղորդագրութեան մէջ նշուած է, որ հետաքննութիւն սկսելու պատճառը Ուիլտըրսի կողմէ հրապարակուած Էրտողանի լուսանկարն ու անոր հասցէին եղած գրառումն է:
Խիրթ Ուիլտըրս 2020թ. հոկտեմբերին Էրտողանի եւս մէկ ծաղրանկար հրապակած էր Twitter-ի էջին, որուն կից կրկին գրած էր ահաբեկիչ: Այս կապակցութեամբ Թուրքիոյ նախագահը պահանջած էր քրէական գործ յարուցել Ուիլտըրսի դէմ:
