13.09c
Երեվան
ուրբ, հկտ 18
Պաշտօնական Երեւանը դեռ չէ կողմնորոշուած`պիտի մասնակցի Թուրքիոյ մէջ կայանալիք «3+3» ձեւաչափով արտաքին գործոց նախարարներու յառաջիկայ հանդիպման, թէ ոչ։
Նման եզրահանգման կարելի է յանգիլ ՀՀ ԱԳՆ նամակէն` ի պատասխան «Sputnik Արմենիա»ի գրաւոր հարցման։
Աւելի վաղ ՀՀ–ի մէջ Իրանի Իսլամական Հանրապետութեան արտակարգ եւ լիազօր դեսպան Մեհտի Սոպհանին յայտարարած էր, որ «3+3» ձեւաչափով արտաքին գործոց նախարարներու յաջորդ հանդիպումը տեղի պիտի ունենայ Թուրքիոյ մէջ մօտ ժամանակներս:
««3+3» ձեւաչափով տարածաշրջանային հարթակի երրորդ հանդիպման եւ ՀՀ հնարաւոր մասնակցութեան վերաբերեալ յստակ պայմանաւորուածութեան առկայութեան պարագայում հանրութիւնը կ՚իրազեկուի պատշաճ ժամկէտում»,- յայտնած է ԱԳՆ մամուլի ծառայութիւնը։
Յիշեցնենք, որ «3+3» հարթակը կ՚ենթադրէ Հայաստանի, Ռուսիոյ, Իրանի, Ատրպէյճանի եւ Թուրքիոյ ԱԳ նախարարներու մասնակցութիւն։ Վրաստանը հրաժարած է միանալ այս հարթակին։
