Պէյրութի մէջ. Սուրբ Էջմիածնի Կրօնասէր Տիկնանց համախմբումը Դեղորայք մատակարարելու առաքելութիւն իրականացուց

195
12/09/2024

Պէյրութի մէջ. Սուրբ Էջմիածնի Կրօնասէր Տիկնանց համախմբումը Դեղորայք մատակարարելու առաքելութիւն իրականացուց

Անահիտ Պուլտուքեան Տանձիկեան կը գրէ՝

2023 փետրուարէն սկսեալ, ԳԼԱՐԱ ՄԱՐԿՈՍԵԱՆ ՀԻՄՆԱԴՐԱՄԸ որ կը գտնուի ԱՄՆ` Ֆրեզնոյի մէջ, աւելի քան մէկուկէս տարի է, օգնութիւն կը տրամադրէ Լիբանանի կարիքաւորներուն` որուն

Նպատակն է ապահովել անհրաժեշտ սննդամթերք և բժշկական աջակցութիւն անապահով համայնքներուն՝ որ կարիքաւորներուն հասանելի ըլլան սննդարար սնունդը և կարեւոր առողջապահական ծառայութիւնները:

Կարեկցանքի և նուիրուածութեան միջոցով ԳԼԱՐԱ ՄԱՐԿՈՍԵԱՆ ՀԻՄՆԱԴՐԱՄԸ կը ձգտի մեղմել սովը և բարելաւել խոցելի բնակչութեան բարեկեցութիւնը:

ԳԼԱՐԱ ՄԱՐԳՈՍԵԱՆ ՀԻՄՆԱԴՐԱՄԻ տնօրէն Varouj Altebarmakian Տօքթ. Վարուժ Ալթեպարմաքեանը նպատակ ունի ապահովել առողջ սնունդ և դեղորայք՝ կեդրոնանալով այսօր Լիբանանի Պէյրութի և Թրիփոլիի անհատներու կամ համայնքներու առողջութեանն ու բարեկեցութեանը աջակցելու համար:

Օգոստոս 2024-ին դեղորայք պատրաստեցինք եւ մատակարարեցինք բաշխելու Թրիփոլի համայնքի 57 անհատներու համար։ Դեղերը պատրաստուեցան անհատական փաթեթներով՝ եւ բժիշկի դեղագիրի նշանակմամբ՝ չորս ամսուայ օգտագործման համար:

Շաբաթ, 7 սեպտեմբեր 2024֊ին ժամը 9:00-13:00, Պէյրութի Ա. խումբին համար չորս ամսուայ դեղորայքը պատրաստ է։ Այսօր բաժնեցինք , բաշխման կեդրոն ունենալով Լիբանանի Մքալլէսի մէջ գտնուող Dantziguian Hrayr Automation System հաստատութիւնը:

Պէյրութի Բ. խումբին համար չորս ամսուայ դեղորայքը կը բաժնուի Շաբաթ, 14 սեպտեմբեր 2024֊ին նոյն վայրին մէջ ժամը 9:00-13:00:

Ատենին` կը տեղեկացնենք իւրաքանչիւր անդամին ներկայ գտնուելու և ստանձնելու դեղորայքի փաթեթը, որ պատրաստուած է իր բժշկի դեղագիրի հիման վրայ, չորս ամսուայ գործածութեան համար:

Անդամները կը փոխանցեն իրենց փոքր մասնակցութեան գինը, կը ստորագրեն և կը ստանան իրենց անհատական բժշկական փաթեթը:

Բոլորը կ'արտայայտեն մեծ գնահատանք, անսահման բաւարարուածութիւն, ուրախութիւն և մխիթարութիւն։

Սուրբ Էջմիածնի Կրօնասէր Տիկնանց Համախմբումի անդամներէն կազմուած յատուկ խումբը՝ Hasmig Keshishian Haddad Յասմիկ Քեշիշեան Հատտատ, Մարիա Քեշիշեան Annie Oumoudian Անի Ումուտեան, ատենապետուհի Anahid Bouldoukian Dantziguian, Անահիտ Տանձիկեանի գլխաւորութեամբ և առաջնորդութեամբ լծուեցան դեղերը պատրաստելու աշխատասէր, հոգատար և զգուշ աշխատանքին` բժիշկի դեղագիրի հիման վրայ, համայնքին 145 անդամներուն չորս ամսուայ ընթացքին անհրաժեշտ դեղերը պատրաստելու համար ։

Համայնքի անդամները քաջառողջութեան յատուկ մաղթանքներ կը ստանան և օրհնուած մոմեր Մայր Աթոռ Սուրբ Էջմիածինէն, Վաղարշապատ, Հայաստան:

Առաջ Աստուած, Varouj Altebarmakian, Տօքթ.Վարուժ Ալթեպարմաքեանը կը շարունակէ իր թանկ առաքելութիւնը, յատկապէս Լիբանանի այս դժուարին և տնտեսական ճգնաժամային օրերուն, ուր դեղորայքը հազուադէպ է և սուղ. ինչ որ մեծ անհանգստութիւն և մտահոգութիւն կը պատճառէ լիբանանահայ կարիքաւորներուն:

ԳԼԱՐԱ ՄԱՐԿՈՍԵԱՆ ՀԻՄՆԱԴՐԱՄԻ խորին նպատակն է թեթեւցնել տառապանքը, բարելաւելու կեանքի որակը և նպաստել Լիբանանի հանրային առողջութեան ընդհանուր բարելաւմանը, ինչպես նաև հոգալ այն անհատներուն բժշկական բուժման ծախսերը, որոնց չեն կրնար հասնիլ, այսպիսով նուազեցնելով առողջապահութեան ֆինանսական բեռը: