22.09c
Երեվան
երք, հնս 24
Չինաստանի Կոմունիստական կուսակցութեան Կեդրոնական կոմիտէն Չինաստանի Պետական խորհուրդի հետ համատեղ որոշում ընդունած է՝ խնայողութեան խիստ կանոններ սահմանելով պետական պաշտօնեաներու համար: Ատոնց նպատակն է ծախսերը կրճատել, պետական գումարները խնայել, ինչպէս նաեւ միջոցներու վատնման դէմ պայքարիլ։ Այն կը նախատեսէ քանի մը արգելքներ պետական պաշտօնեաներու համար։
Փաստաթուղթը կը պարունակէ 63 կէտ եւ կոչ կ՚ընէ «խստօրէն հետեւելու պաշտօնական չափանիշերուն» եւ «միջոցներու ծախսման վերահսկողութեան համակարգ ներդնելու»։ Համաձայն ատոր՝ Չինաստանի կառավարութեան եւ կուսակցական պաշտօնեաներուն այժմ կ՚արգիլուի աշխատանքային ճաշի ժամանակ ուտել թանկարժէք սնունդ, օգտագործել թանկարժէք ծխախոտ եւ խմիչք։ Պաշտօնեաներուն կ՚արգիլուի նաեւ սահմանուած սահմանաչափը գերազանցող «թանկարժէք ժամանց կայացնել, ընդունիլ նուէրներ, արժեթուղթեր եւ վճարման պարտատոմսեր եւ արտերկրի մէջ մոլախաղերու մասնակցիլ»։
«Արտասահման գործուղումներու ժամանակ պետական միջոցները պէտք չէ օգտագործուին հաստատութիւններու կամ պետական ձեռնարկութիւններու միջեւ նուէրներ փոխանակելու կամ զիրար զուարճացնելու համար: Կ՚արգիլուի կանոններու խախտմամբ քաղաքացիական թռիչքներու, ինչպէս նաեւ մասնաւոր, համագործակցային եւ արտասահմանեան օդանաւային ընկերութիւններու թռիչքները, չափանիշը գերազանցող ճոխ կեցավայրերով եւ փոխադրամիջոցով ապահովելը, այցելած երկիրներու կամ շրջաններու քանակն աւելցնելը, առանց թոյլտւութեան գործուղման երթուղին կամ օրերու քանակը փոխելը»,-ըսուած է հրամանագրին մէջ։
Այսուհետեւ արգիլուած են «քօղարկուած զբօսաշրջային ուղեւորութիւնները»՝ իւրաքանչիւր գործուղում պէտք է ունենայ յստակ նպատակ։
Պաշտօնեաները պէտք է նաեւ խստօրէն վերահսկեն պատուիրակութիւններու հիւրընկալման ծախսերը, իսկ հանդիպման վայրերը պէտք է ըլլան պարզ: Համաժողովներուն այլեւս պիտի չըլլան շքեղ ծաղկային պսակներ:
