35.16c
Երեվան
ուրբ, հլս 24
2026-ի առաջին կիսամեակին Հայաստանի Հանրապետութեան պետական պիւտճէի եկամուտները կազմած են 1,643 միլիառ դրամ՝ ապահովելով առաջին կիսամեակի ճշդուած ծրագիրով կանխատեսուած ցուցանիշի 106 % կատարողական: Նախորդ տարուան նոյն ժամանակահատուածի համեմատ պետական պիւտճէի եկամուտներն աճած են 14,7%-ով կամ 210,1 միլիառ դրամով: Այս մասին կը տեղեկանանք Ելեւմուտի նախարարութեան պաշտօնական էջէն։
Նախարարութենէն յայտնած են, որ 2026-ի առաջին կիսամեակին ՀՀ պետական պիւտճէի ծախսերը կազմած են 1,576 միլիառ դրամ՝ ապահովելով առաջին կիսամեակի ճշդուած ծրագիրի 83,2% կատարողական: Նախորդ տարուան նոյն ժամանակահատուածի համեմատ պետական պուտճէի ծախսերն աճած են 7%-ով կամ 103,6 միլիառ դրամով:
2026-ի առաջին կիսամեակի ընթացքին ՀՀ պետական պուտճէն կատարուած է 67,3 միլիառ դրամ յաւելուրդով՝ առաջին կիսամեակի համար ծրագրուած 342,4 միլիառ դրամ պակասուրդի եւ նախորդ տարուան նոյն ժամանակահատուածի 39,2 միլիառ դրամ պակասուրդի դիմաց:
